Эзгүй зэлүүд байгалийг хүн амарч, цэнгэх боломжтой дэд бүтэц бүхий суурин болгох төлөвлөгөө чухам Сүү ХК, Ospring, Relex Mongolia зэрэг ивээн тэтгэгчдийн дэмжлэгтэйгээр л бодит ажил хэрэг болж чадсан юм.

Улаанбаатарын их стрессээс зугтан 300 км замыг туулан ирж, хамтдаа дуулж, бүжиглэж, хөгжилдөн, жаргал, цэнгэлээ хуваалцсан мөчүүдийг зургийн сангаас сонирхоорой.

Жил бүр Монгол орны байгалийн үзэсгэлэнт газар 3 өдөр 2 шөнийн турш зохион байгуулагдах энэхүү фестиваль Монголчуудад аялал, амралтын шинэ консепцийг танилцуулж байна.

3000 хүнийг аюулгүй тухлан саатахад 30 ивээн тэтгэгч, 20 туслан гүйцэтгэгч байгууллага, 30 сайн дурын ажилтан, 20 зохион байгуулагч ажилтан, энтертайнмент медиа 20 хүний баг, хогны менежмент хариуцсан 6 ажилтан зэрэг хүчирхэг баг бүрдсэн юм.